KABILANG ang umano’y maling paggamit ng confidential funds, bribery, unexplained wealth, at pagbabanta sa mga isyung ihaharap ng House prosecution panel laban kay Vice President Sara Duterte sa nalalapit na impeachment trial sa Senado.
Ayon kay Bicol Saro party-list Representative Terry Ridon, mayroon nang nakatalagang impeachment grounds na hahawakan ang bawat miyembro ng 11-man House prosecution panel.
Sinabi rin ni Ridon na handa na ang prosecution panel para sa pagbubukas ng Senado bilang impeachment court sa Lunes.
