Tinawag ng Malacañang na “fake news” ang kumakalat na pahayag mula sa Department of Energy (DOE) na nagsasabing magkakaroon ng energy lockdown simula Abril 20, 2026.
Sinabi ni Palace press officer Claire Castro na ang naturang advisory, na may logo pa ng DOE, ay “fake news.”
Hinihikayat sa pekeng advisory ang publiko na maghanda ng mga power bank, solar equipment, kandila, ilaw, pagkain, at iba pang mahahalagang gamit bilang paghahanda sa umano’y energy lockdown.
Sa isang press briefing noong Marso 27, sinabi na rin ni Castro na walang inaasahang energy lockdown, kasunod ng pagtanggi ng Iran sa anumang diyalogo o negosasyon sa Estados Unidos upang wakasan ang digmaan.
Idinagdag pa niya na pinalalakas din ng bansa ang mga hakbang upang matiyak ang sapat na suplay ng langis mula sa ibang mga bansa.
