Patay ang isang lalaki habang isa ang sugatan sa pamamaril sa Pinococ, Pinukpuk, Kalinga.
Kinilala ng pulisya ang namatay na si Fernando Francisco Cabuag, 56, residente ng Accusillian, Tuao, Cagayan, habang ang sugatan ay si Mateo Baluyan, 62, residente ng Cato, Tuao.
Ayon sa PNP Pinukpuk, agad silang rumesponde nang makatanggap sila ng tawag mula sa isang residente ukol sa nasabing insidente.
Nang makarating sila sa lugar, nadatnan nila ang dalawa na may tama ng baril sa kanilang katawan at agad silang dinala sa Tuao District Hospital ng Task Force Lingkod Bayan, subalit idiklera na dead on arrival si Cabuag.
Batay sa initial investigation, sakay ang dalawang biktima at dalawang iba pa sa isang kotse patungo sa Centro 2 at nang makarating sila sa Sitio Carao, Pinococ, Pinukpuk, Kalinga, pinagbabaril sila ng mga suspect.
