TUGUEGARAO CITY-Posible nga meddennan ta condtional pardon y 23 nga political prisoners nga igga edad na ngana anna igga takitan na sonu vulan na Mayo o olu nga liggu na Hunyo sangaw ng ragun.
Kinagi ni Randy Malayao, consultant na National Democratic Front nga mallawan gapa y appa nga prisoners of war ta Mindanao.
Fera taw ay mayaya si Malayao, megafu ta nakasta y mekappa nga meeting nga iningwa na gobyerno anna NDFP ta The Netherlands.
Base kanni Malayao, nakkontratan na duwa nga grupo nga umpigan da y reporma ta davvun anna y interim joint ceasefire.
Kunnatunman kinagi ni Malayao nga ari nga nepay paga y interim ceasefire megafu ta mawak paga nga apruban y patakaran taw.
Kinagi na paga yaw nga ta tumunuk nga meeting da ay pagergowan da y political anna constitutional reforms.
Neamung paga ni Malayao nga pare nakwan ay mabalin ngana nga pagergowan y nakagi nga peacetalk.
