TUGUEGARAO CITY-Madduda si Congressman Teddy Baguilat na Ifugao ta anuttuk na dati nga AFP Chief of Staff Roy Cimatu nga bagu nga DENR Secretary.
Kinagi ni Baguilat nga duda iyya nu ayatan ni Cimatu y pallevu gitta na dati nga DENR Secretary Gina Lopez nga tadday nga naporay nga advocate na pallevu.
Kunnatun man ay kinagi ni Baguilat nga meddennan si Cimatu nga ipay na y nakasta nga trabahu na.
Kinagi paga ni Baguilat nga tadday gapa nga anngadayaw ta “amianan” o ta Luzon nu sitaw nga naggafu y DENR Secretary.
Kinagi paga ni Baguilat nga ikaya na nga mamwan nu anni y Programa ni Cimatu nemanno ta minahan nga olu nga environmental issue sangaw.
Kinagi paga na kongresista nga sayangan na nga ari naapoint na Commission on Appointments si Lopez
Yaw ay megafu ta kakampi na si Lopez ta angngaya ta pallevu.
Y kuruk na yaw ay nayaya iyya turi apruban da y Alternative Mining Law anna Mineral Management Law nga nepasa na.
Base sa ay turi 15th Congress gapa nga nepasa na yaw ngamme ari da pappansinan ta kamara.
Nenawak ni Baguilat nga ari iyya kontra ta pagmimina ngamme mawak nga istriktowan da y batas para taw.
Fera taw ay mangruruk si Baguilat nga naggastos y Chamber of Mines yatun ta ari nga nepattuttuk si Lopez ta Commission on Appointments.
