Hinimok ni Pangulong Ferdinand Marcos Jr. ang Kongreso na itaas sa ₱350,000 ang taunang income tax exemption threshold upang madagdagan ang maiuuwing sahod ng mga manggagawang kabilang sa middle class. Inihayag ito ng Pangulo sa kanyang ikalimang State of the Nation Address (SONA), kasabay ng layuning mabawasan ang epekto ng tumataas na gastusin sa pamumuhay.
Sa kasalukuyan, ang mga kumikita ng hanggang ₱250,000 kada taon lamang ang hindi sakop ng income tax sa ilalim ng TRAIN Law. Bukod dito, iminungkahi rin ng Pangulo na alisin ang minimum corporate income tax para sa maliliit na negosyo upang makatulong sa kanilang patuloy na pagbangon.
Iminungkahi rin ni Pangulong Marcos ang pagbibigay ng tax amnesty para sa mga hindi nabayarang income tax, estate tax, donor’s tax, value-added tax, at kaukulang mga multa, bilang bahagi ng mga hakbang upang mabigyan ng karagdagang ginhawa ang mga nagbabayad ng buwis.
