Nananatiling nasa sentro ng global energy concerns si US President Donald Trump matapos siyang makipagpulong sa mga malalaking kumpanya ng langis kaugnay ng posibleng matagalang pagpapatuloy ng blockade sa Iran, ayon sa ulat ng Reuters.
Sa pulong, tinalakay umano ang mga hakbang upang mapanatili ang supply ng langis at mabawasan ang epekto sa mga konsyumer habang posibleng tumagal ang tensyon sa Middle East, partikular sa Strait of Hormuz na kritikal sa pandaigdigang kalakalan ng krudo.
Kasabay ng mga pahayag ni Trump na dapat “magkasundo” ang Iran at makipag-deal, nananatiling mataas ang pangamba sa merkado na maaaring humantong sa matagalang pagkaantala ng suplay ng langis mula sa rehiyon.
Dahil dito, umakyat nang higit 6% ang presyo ng langis sa pandaigdigang merkado, habang umaabot na sa pinakamataas na antas sa loob ng ilang taon ang Brent crude bunsod ng risk premium sa supply.
Ayon sa mga ulat, ang posibleng pagpapatuloy ng blockade ay nagdudulot ng malawakang pag-aalala sa mga investor at energy traders dahil maaari itong magdulot ng mas mataas na presyo ng krudo at epekto sa pandaigdigang ekonomiya.
Habang nagpapatuloy ang usapang diplomatiko at backchannel negotiations, nananatiling nakatutok ang merkado sa mga susunod na galaw ng US sa ilalim ng impluwensya ni Trump at sa magiging tugon ng Iran sa tumitinding pressure.
