Tuguegarao City-Imbestigan sangaw na Philippine Health Insurance Corporation (Philhealth) y Peoples General Hospital o PGH taw ta syudad na Tuguegarao ta kabalin nga ma-deny y accreditation da megafu kanu ta iningwa da nga anomalya.
Ta interview na Bombo Radyo kanni Oscar Abadu, Jr. , Regional Vice President na Philhealth Region 2, mallawan ta imbestigasyon nga pineke da y dokumento ira nga neppasa da nga nereklamo na pasyente da.
Basse kanni Abadu nga maturu nga 50 ay nasita da nga mismo nga ari ta fermi nga pasyente ninay y nakagi nga reklamo.
Kinagi na opisyal nga posible nga igga sabwatan ta empleyado na nakagi nga ospital anna pinafirma da laman ngana ta ari nga mismo nga pasyente.
Fera ta pangilaffu da ta accreditation na PGH ay innan da gapa ngana y opisyal ira na nakagi nga ospital para makasowan ira nu sinni y nameke ira ta dokumento.
Fera taw ay magangwa na imbestigasyon y City Government na Tuguegarao megafu ta nakagi nga insidente.
