TUGUEGARAO CITY- Manguruk si Atty.Domingo Cayosa,bagu nga Executive Vice President na Integrated Bar of the Philippines nga “political issue” y reinstatement ni Supt. Marvin Marcos nga head na CIDG Region 8.
Kunnatunman kinagi ni Cayosa nga prerogative yaw ni Pangulong Rodrigo Duterte bilang commander in chief maski nanawak ta imbestigasyon na senado anna Internal Affairs Service nga rub out y appatay ni Albuera Mayor Rolando Espinosa anna igga paga kaso na nga homicide case nga mattaron nissa.
Megafu taw ay mawak nga alistuwan y angi une da ta kaso ni Marcos tapenu magimmang y debate ira nu kustu o awan y reinstatement ni Marcos.
Fera taw kinagi ni Cayosa nga iyune na y pagamung ta pondo para ta National Center for Legal Aide nga P3M ta P300M para mas lalo paga nga mapakasta y serbisyo para ta libre nga legal advice ta mazziriga ira nga kalugarat tam.
Si Cayosa ay nanumpa nga bagu nga EVP na IBP turi Martes ta kabalin nga nala na y uninamous vote para ta nakagi nga posisyon.
