Inaasahang maglalabas ng desisyon ang Korte Suprema ng Estados Unidos kaugnay ng panukala ni Pangulong Donald Trump na higpitan ang birthright citizenship sa bansa.
Layunin ng executive order ni Trump na hindi kilalaning awtomatikong mamamayan ng Amerika ang mga batang isinilang sa US kung ang kanilang mga magulang ay hindi mamamayan o legal permanent resident.
Nauna nang hinarang ng mababang hukuman ang naturang kautusan dahil umano’y lumalabag ito sa ika-14 na Amyenda ng Konstitusyon ng Estados Unidos na nagbibigay ng pagkamamamayan sa mga ipinanganak sa bansa.
Ayon sa ilang eksperto, kung papaboran ng Korte Suprema ang panukala, maaaring maapektuhan ang legal na katayuan ng humigit-kumulang 250,000 sanggol na ipinapanganak sa Estados Unidos bawat taon.
