Pinadalhan ng subpoena ng Senate impeachment court si Davao City Mayor Sebastian “Baste” Duterte para humarap sa impeachment trial ng kanyang kapatid na si Vice President Sara Duterte.
Ayon kay Presiding Officer Francis “Chiz” Escudero, nakatakdang humarap si Baste sa Setyembre 23, kasama ang iba pang testigo na ipinatawag ng impeachment court.
Kasama rin sa mga subpoenaed witness si Gerardo del Rosario, direktor ng Company Registration and Monitoring Department ng Securities and Exchange Commission o SEC.
Kasunod ito ng pagtalakay ng impeachment court sa Article II ng Articles of Impeachment na tumutukoy sa alegasyon ng unexplained wealth laban sa bise presidente.
Ayon naman sa House prosecution panel, nais nilang malaman kung nagkaroon ng mga transaksyon ang Gencorp Industries Inc., isang kumpanyang iniuugnay kay VP Sara, sa Davao City government habang alkalde si Baste.
Samantala, sinabi ng prosecution na maaari umanong ituring na hostile witness si Baste depende sa magiging pagsusuri ng korte sa kanyang interes at testimonya.
