Inaasahang itutuloy ng House Justice Committee ang pagdinig sa impeachment complaints laban kay Sara Duterte matapos walang inilabas na Temporary Restraining Order ang Korte Suprema.
Ayon kay Member of the House of Representatives of the Philippines Terry Ridon, tatalakayin sa pagdinig ang mga ebidensiya kaugnay ng umano’y maling paggamit ng confidential funds at mga banta laban kay Ferdinand Marcos Jr. at sa kanyang pamilya.
Kabilang sa susuriin ang affidavit ni Ramil Madriaga na itinuturing na bagong ebidensiya, kung saan inaasahang titingnan ang detalye at kredibilidad nito. Magbibigay rin ng impormasyon ang Commission on Audit at Philippine Statistics Authority tungkol sa paggamit ng pondo at sa pagkakakilanlan ng mga umano’y tumanggap nito.
Tatalakayin din sa pagdinig ang mga dokumento kaugnay ng yaman ng bise presidente, kabilang ang kanyang Statements of Assets, Liabilities and Net Worth at mga tax records ng kanyang pamilya.
Nilinaw naman ni Member of the House of Representatives Gerville Luistro na ang pagdinig ay para lamang sa paglilinaw ng mga isyu at hindi pa isang pormal na paglilitis, na inaasahang gagawin sa Senado kung uusad ang impeachment case.
