Nag-isyu ng subpoena ang House Tri Committee laban sa vloggers at social media influencers na hindi muling sumipot sa pagdinig ngayong araw ukol sa pamamayagpag ng fake news at misinformation lalo na sa social media.
Karamihan sa social media influencers na naunang inisyuhan ng show cause order ay nagpadala lang muli ng liham sa komite at kanilang idinahilan ang naka-pending nilang petition for certiorari sa Supreme Court.
Kabilang ito sina Atty. Trixie Cruz-Angeles, Krizette Laureta Chu, Sass Rogando Sasot, Mark Anthony Lopez, Lorraine Marie Badoy-Partosa, Jeffrey Almendras Celiz, Dr. Richard Mata, Ethel Pineda Garcia, Elizabeth Joi Cruz, Aaron Peña, at Mary Jean Reyes.
Binanggit din ni Abang Lingkod Rep. Joseph Stephen “Caraps” Paduano na pinag-aaralan din ng legal department ng Tri Committee ang paghahain ng disbarment case laban kay Angeles dahil sa paulit-ulit na paglabag sa legal ethics.
