Nakatakdang magbukas ng isang gate sa Magat Dam ang National Irrigation Administration – Magat River Integrated Irrigation System (NIA-MARIIS) ngayong araw ng Huwebes sa oras na alas 9:00 ng umaga.
Ito ay may isang metrong opening o katumbas ng 175 cubic meters per second na volume ng tubig bilang paghahanda sa posibilidad ng mas malakas na pag-ulan sa mga susunod na araw dahil sa sa inaasahang pagpasok ng Super Typhoon Uwan.
Ayon kay Engr. Edwin Viernes, Flood Forecasting and Instrumentation Head ng NIA-MARIIS, bahagyang tumaas ang water level sa dam dahil sa naranasang pag-ulan na dulot ng shearline sa watershed area.
Minimal lamang din aniya ang epekto ng papakawalang tubig sa Cagayan river subalit pinag-iingat pa rin ang lahat at huwag munang magtatangkang tumawid ng ilog.
Sa araw ng Sabado ay isasara ang mga irrigation canals na nagsusuplay ng tubig sa mga sakahan upang hindi makadagdag sa ulan na dala ng paparating na bagyo
