Nagdulot ng pambihirang kilos-protesta sa Ukraine ang desisyon ni Pangulong Volodymyr Zelenskiy na alisin sa puwesto si Defense Minister Mykhailo Fedorov, kasabay ng lumalalim na hidwaan sa pagitan ng pangulo at ng pinakamataas na heneral ng bansa.
Daan-daang mamamayan ang nagprotesta sa Kyiv at iba pang lungsod upang hilingin ang pagbabalik ni Fedorov, na kinikilalang pangunahing tagapagtaguyod ng modernisasyon ng sandatahang lakas ng Ukraine.
Nagbitiw rin sa puwesto ang isang mataas na opisyal ng air force bilang pagtutol sa naging hakbang ng pamahalaan.
Sa gitna ng krisis, inakusahan ni Fedorov si Army Chief Oleksandr Syrskyi ng pagharang sa mahahalagang reporma sa militar at umano’y paghahati sa bansa.
Samantala, sinabi ni Zelenskiy na pinag-aaralan pa kung sino ang permanenteng hahalili sa dating defense minister at iginiit na kailangan ang “pagbabago” sa pamahalaan sa gitna ng patuloy na digmaan laban sa Russia.
