Iniulat ni Ukrainian President Volodymyr Zelensky na tinamaan ng Russia ang anim na pasilidad ng enerhiya sa Ukraine ilang oras matapos ipahayag ni US President Donald Trump ang napagkasunduang tigil-putukan sa mga pag-atake sa sektor ng enerhiya.
Ayon kay Zelensky, 33 katao ang nasugatan sa mga pag-atake.
Nagkaroon din ng pagkawala ng kuryente sa ilang lugar, kabilang ang Izyum, matapos masira ang mga power grid.
Iniulat din ang pag-atake sa mga pasilidad ng enerhiya at riles sa kanlurang Ukraine.
Samantala, isang tao ang nasawi at 11 ang nasugatan matapos tamaan ng drone ang isang 25-palapag na gusaling tirahan sa Kyiv.
Sinabi ni Zelensky na ipinakikita ng mga pag-atake na hindi umano handa ang Russia na sumunod sa tigil-putukan sa sektor ng enerhiya.
