Nagtalaga si Pangulong Ferdinand “Bongbong” Marcos Jr. ng tatlong bagong associate justices ng Court of Appeals, kabilang si Pia Cristina B. Bersamin-Embuscado, anak ni dating Executive Secretary Lucas Bersamin.
Ayon sa Presidential Communications Office, kabilang din sa mga itinalaga sina Allan Batarra Gepty at Leilani Marie N. Dacanay-Grimares.
Si Bersamin-Embuscado ay dating presiding judge ng Regional Trial Court Branch 198 sa Las Piñas City. Itinalaga siya sa posisyon noong 2018 ng dating Pangulong Rodrigo Duterte.
Samantala, dating undersecretary ng Department of Trade and Industry si Gepty, habang dating presiding judge ng RTC Branch 294 sa Parañaque City si Dacanay-Grimares.
Nagbitiw si Lucas Bersamin bilang executive secretary noong 2025 matapos iugnay sa mga alegasyon ng katiwalian na ibinato ni dating lawmaker Zaldy Co.
