Tutungo sa Singapore si Pangulong Ferdinand Marcos Jr. bukas, Oktubre 7, para sa limang araw na working visit na tatagal hanggang Oktubre 11.
Layunin ng pagbisita na palalimin ang ugnayan ng Pilipinas at Singapore, partikular sa ekonomiya at investment.
Ayon kay Foreign Affairs Assistant Secretary Analyn Ratonel, inimbitahan mismo ni Singapore Prime Minister at Finance Minister Lawrence Wong ang Pangulo.
Inaasahang dadalo si Marcos sa 24th Forbes Global CEO Conference kung saan makakaharap niya ang mga Singaporean at global business leaders para talakayin ang investment at economic priorities ng Pilipinas.
Nakatakda rin siyang bumisita sa Singapore Nuclear Research and Safety Institute.
Mahalaga rin umano ang pagbisita sa harap ng nalalapit na pagtatapos ng termino ng Pilipinas bilang ASEAN chair, bago ito pamunuan ng Singapore.
