Hindi na kinakailangang magbayad ng PhilHealth premium ang mga eligible persons with disability (PWDs) sa ilalim ng bagong patakaran ng health insurance.
Sa ilalim ng PhilHealth Circular No. 2026-0017, ang mga kwalipikadong PWD ay awtomatikong saklaw ng national health insurance program.
Nakasaad sa bagong patakaran na ang mga kontribusyon sa PhilHealth ng mga empleyadong PWD ay hindi na ibabawas mula sa kanilang sahod.
Ayon sa PhilHealth, ang 5% na buwanang premium ng mga empleyadong PWD ay babayaran nang hati: kalahati ay manggagaling sa kanilang employer at ang kalahati naman ay sa national government.
Babayaran din ng pamahalaan ang buong premium ng mga PWD na self-employed.
Samantala, pangangasiwaan ng National Council on Disability Affairs at ng Department of Social Welfare and Development ang Unified PWD ID System (UPWDIS), na magsisilbi sa mga kwalipikadong PWD at sa kanilang mga dependent.
Gagamitin ng PhilHealth ang kasalukuyang PWD Registry upang kumpirmahin ang katayuan bilang PWD habang isinasagawa pa ang ganap na pagbuo sa bagong sistema.
Patuloy namang makatatanggap ng coverage ang mga PWD na may wastong PWD ID, medical certificate, o mga kapansanang kitang-kita habang isinasagawa ang pag-update sa mga rekord.
