Inihayag ng commander ng Revolutionary Guards ng Iran na sarado na ang Strait of Hormuz at nagbabala na aatakehin ang mga barko na dadaan, ayon sa Iranian media reports.
Ang hakbang ay matapos ang pagkamatay ni Iranian supreme leader Ayatollah Ali Khamenei sa strike ng Israel, at ang pagsasara ay banta sa galaw ng langis at lalong magpapataas sa presyo.
Ano nga ba ang Strait of Hormuz at bakit ito mahalaga sa kalakaran sa mundo lalo na sa oil shipments?
Ang Strait of Hormuz ay matatagpuan sa gulpo sa pagitan ng Oman at Iran, at kinikilala ito na isa sa pinakamahalagang oil choke points sa mundo.
Noong 2023, dumadaan ang mga oil tankers sa nasabing katubigan na umaabot ng hanggang 20.9 million barrels bawat araw, ayon sa U.S. Energy Information Administration, na bumubuo sa nasa 20 percent ng global petroleum liquid consumption.
Ang Strait of Hormuz ay isang masikip na daluyan ng tubig na matatagpuan sa Horn of Africa at Middle East, na nagdudugtong sa Red Sea sa Gulf of Aden at Indian Ocean.
Ang strait – halos 100 miles ang haba at 21 miles na lapad – ay pinapayagan ang malalaking vessels sa mundo na mag-trasport ng oil at gas mula sa Middle East sa China, Europe at US.
Ang malaking bahagi ng langis ay mula sa Saudi Arabia, United Arab Emirates, Iraq, Kuwait, Qatar at Iran.
Dahil sa giyera sa Iran, tumigil ang pagdaan ng mga oil tankers sa nasabing katubigan, kung saan una nang sinabi ng mga higanteng shipping companies na Maersk at Hapag-Lloyd na sinuspindi nila ang lahat ng kanilang shipments sa strait.
Bunsod nito, biglang tumaas ang presyo ng langis noong Lunes dahil sa pangamba na ang matagal na pagkakagambala ng oil supplies sa rehion ay magpapataas sa presyo ng langis, kabilang ang sa US.
Nagbalala si Arne Lohmann Rasmussen, chief analyst at Global Risk Management, lalo pang tataas ang presyo ng langis kung magpapatuloy na sarado ang strait.
Ayon sa kanya, kung mananatili na sarado ang strait sa loob ng maraming linggo o buwan, magiging matindi ang epekto nito sa presyo ng langis na aabot sa triple digits, na magdudulot ng mabilis na pagbagsak ng world economy, at posibleng magbunsod ito ng recession.
May mga alternatibong daanan naman para sa mga oil tankers sa Strait of Hormuz.
Ito ay kinabibilangan ng East-West Pipeline, na kilala rin na Petroline, ang halos 750 mile-long pipeline sa Saudi Arabia na nagde-deliver ng langis sa ports sa Red Sea.
Maaari ding dumaan ang shipments sa Abu Dhabi Crude Oil Pipeline, ang halos 400-mile pipeline sa United Arab Emirates na nagdadala ng langis sa isang pasilidad sa Gulf of Oman.
Subalit sinabi ng mga eksperto na ang mga nasabing alternatibong ruta ay kaya lamang tumanggap ng bahagi ng volume ng langis na karaniwan na dumadaan sa Strait of Hormuz sa araw-araw.
