Patuloy ang aksyon sa 2026 FIFA World Cup na ginaganap sa United States, Mexico at Canada, kung saan 48 bansa mula sa iba’t ibang kontinente ang naglalaban para sa titulo.
Sa mga unang laban, agad nagpakita ng lakas ang ilang paboritong koponan. Tinalo ng France ang Senegal, 3-1, habang dinomina ng Norway ang Iraq, 4-1. Nakakuha rin ng panalo ang Argentina matapos tambakan ang Algeria, 3-0, kung saan muling umarangkada si Lionel Messi.
Naging impresibo rin ang Germany matapos gibain ang Curaçao, 7-1, habang nanalo ang United States kontra Paraguay, 4-1. Nakakuha rin ng panalo ang Sweden, Austria, Mexico, South Korea, at Côte d’Ivoire sa kani-kanilang mga laban.
May ilang dikit na laban din na nagtapos sa tabla, kabilang ang Netherlands kontra Japan (2-2), Belgium laban Egypt (1-1), Iran kontra New Zealand (2-2), at Spain laban Cape Verde (0-0).
Sa standings matapos ang unang mga laro, nangunguna sa kani-kanilang grupo ang Argentina, France, Germany, United States, Sweden, at Norway na may tig-tatlong puntos.
Patuloy naman ang group stage matches sa mga susunod na ara
