Bagitolay nappakamatay megafu ta pagimmang na kanu ta pagiskwela na ta Cagayan

Bagitolay nappakamatay megafu ta pagimmang na kanu ta pagiskwela na ta Cagayan

TUGUEGARAO CITY – Natay y tadday nga bagitolay ta kabalin nga mappakamatay ta ili na Allacapan, Cagayan.

Y biktima ay si Froilan Liquigan, 19, residente ta nakagi nga lugar.

Base kanni PSI Efren Tangonan, hepe na PNP Allacapan,nellaw nga nallabbe si Liquigan ta balay da.

Kinagi na nga naggungu y familya na antre y biktima megafu ta nakiinum mangngana iya ta lugar da.

Ta kabalin na yaw ay nallubbe si Liquigan anna turi nallawan y wagi na ay nasita na laman ngana y biktima nga nakabesin ta lawan na balay da.

Insigida da nga nekarela ta ospital ngamme aggala natay yaw.

Namwan nga y gafu na pappatay na biktima ay y paggimmang na kanu ta pagiskuwela na.