Umalis muna si Michael Poa sa kanyang tungkulin bilang spokesperson ng defense team ni Vice President Sara Duterte sa impeachment trial matapos siyang itakdang tumestigo sa impeachment court.
Ayon kay defense counsel Justin Nicol Gular, nararapat lamang na kumalas muna si Poa bilang tagapagsalita dahil magiging witness siya ng prosecution. Inaasahang ihaharap si Poa bilang testigo sa Miyerkules.
Si Gular muna ang magsisilbing deputy spokesperson ng defense team. Hindi na rin aniya nakikipag-ugnayan ang grupo kay Poa at hindi na ito nananatili sa defense holding room.
