Iginiit ng defense team ni Vice President Sara Duterte na hindi estratehiya ni dating OVP special disbursing officer Gina Acosta ang paggamit ng Bisaya sa kanyang testimonya sa impeachment trial.
Ayon kay defense spokesperson Michael Poa, mas komportable lamang si Acosta na magsalita sa Bisaya dahil ito ang kanyang nakasanayang wika.
Ginamit din umano niya ang Bisaya sa mga nauna niyang pagdinig sa House Committee on Good Government and Public Accountability.
Sinabi ni Poa na halos kapareho rin ng nauna niyang testimonya sa Kamara ang mga naging sagot ni Acosta sa impeachment trial, kaya naging maikli ang cross-examination ng depensa.
Samantala, sinabi ni Poa na alam niyang naospital si dating DepEd special disbursing officer Edward Fajarda matapos umanong ma-stroke.
Hiniling naman ng impeachment court sa Senate Medical and Dental Bureau na suriin ang kanyang kondisyon at tiyaking maaari siyang tumestigo.
Inaasahang haharap si Fajarda bilang testigo sa Setyembre 7, depende sa kanyang kalagayan.
