Pasado na sa Sanggunian Panlalawigan ng Cagayan ang inihaing resolusyon ni Board Member Maila Ting Que na humihimok sa Commision on Higher Education (CHED) na payagang isama ang mga medical students sa vaccination drive ng pamahalaan.
Ayon kay Que, hinihingi nila ang pahintulot ng CHED upang payagan ang mga senior medical students na maging volunteers bilang screeners at post vaccines evaluator, para makatulong sa pagbabakuna sa lalawigan.
Paliwanag ni Que, mahalaga ang magiging partisipasyon ng mga medical students dahil sa kakulangan ng healthcare worker.
Kukuhanin din ang serbisyo ng mga midwife.
