Naglunsad ng malawakang manhunt ang mga kapulisan ng Johannesburg sa South Africa laban sa mga suspek sa pamamaril na ikinasawi ng 12 katao.
Hindi bababa sa 10 armadong suspek ang sangkot sa insidente na pumasok sa Jumpers Informal Settlements at bigla na lamang sila namaril.
Tinawag ng mga kapulisan ang insidente bilang barbaric at walang pusong krimen.
Inaalam din ng mga otoridad ang naging motibo ng mga suspek sa nasabing insidente.
Naniniwala naman ang ilang miyembro ng Jumpers community na maaring may kinalaman ang insidente sa alitan nila sa ibang grupo dahil sa pagmimina.
-- ADVERTISEMENT --
Nagiging talamak na ang iligal na pagminina sa nasabing lugar.
