TUGUEGARAO CITY-Inaalam na ng PNP-Buguey kung kanino kinukuha ng isang 19-anyos na binata ang ibinebentang shabu sa lugar.
Una rito, nahuli ang suspek na si Steven James Regunton, 19-anyos sa Brgy Centro sa bayan Buguey sa ikinasang anti illegal drug buy operation.
Ayon kay Pcapt Joel Labasan, hepe ng Buguey PNP,sa social media isinasagawa ng suspek ang transaction sa kanyang mga customer kung kaya’t ito ang inaalam ng kanilang hanay kung sino ang mga madalas nitong binebentahan.
Sinabi rin ni Labasan na maaring may grupo ang suspek dahil limitado lamang ang kanyang mga binibigay na impormasyon sa kanilang hanay.
Sa ngayon, patuloy ang isinasagawang imbestigasyon ng pulisya para mahuli at mapanagot sa batas ang mga posibleng kasamahan pa ng suspek.
