AFP Cagayan,ari da nga iddan y kiniddaw na NPA nga ceasefire

TUGUEGARAO CITY- Kinagi na AFP Ta Cagayan nga ari da nga iddan y kiniddaw na New Peoples Army nga ceasefire.

Yaw ay ta kabalin nga laban na suddalo anna NPA ta Sto. Niño,Cagayan.

Tadday nga suddalu y natay ta engkwentro habang lima gapa y nabigaran turi makaengkwentro da y 40 NPA nga nabbayak ta tadday nga oras.

Kinagi ni Lt. Colonel Rembert Baylosis, commanding officer na 17th Ifantry Battalion nga ufutadda y rebelde nga grupo ira ta nakagi nga ili.

Amung na paga yaw ay kinontra ni Baylosis y report nga igga kanu natay nga suddalu ira ta mekadwa nga akillaban da.

Kinagi na nga puru nabigaran kanu laman y lima nga suddalu nga sangaw ay igga da na stable condition ta ospital.