TUGUEGARAO CITY-Iminungkahi ni Cagayan Governor Manuel Mamba ang regular na pagsusuri sa mga frontliners gaya ng mga kapulisan laban sa covid 19.
Sinabi ni Gov. Mamba na maliban sa mga health workers ay lantad din sa panganib na dala ng Covid 19 ang mga pulis na nakatalaga sa mga checkpoint at nag-iimbestiga.
Dahil dito, inihayag ng gobernador na kailangan na masuri ang mga ito para maiwasan ang hawaan gaya ng karanasan dito sa Tuguegarao at ang nangyayari ngayon sa bayan ng Enrile.
Ayon sa gobernador na tinitignan nito ang paggamit ng Antigen swab testing para agad na ma-isolate ang mga frontliners na dinapuan ng sakit.
Paliwanag ng opisyal na may mga positibo sa virus na asymptomatic na kung hindi agad malaman ay sila ang magkakalat ng virus. with reports from Bombo Marvin Cangcang
