Pangungunahan nina Olympic gold medalist Carlos Yulo at kanyang nakababatang kapatid na si Karl Eldrew Yulo ang Philippine gymnastics team sa 2026 Asian Games sa Japan.
Kasama ang magkapatid sa men’s artistic gymnastics team sina Juancho Miguel Besana, Justine Ace de Leon at Zachary Cortins Nuñez.
Samantala, pangungunahan naman ni Olympian Levi Ruivivar ang women’s artistic gymnastics team, kasama sina Kylee Kvamme, Chiara Dawn Andrew, Lauren Supnet at Haylee Garcia.
Sasali rin sa rhythmic gymnastics sina Breanna Labadan at Jasmine Ramilo, habang sina Jerry Ilano Jr. at Luvicar Janine Padilla ang kakatawan sa bansa sa trampoline gymnastics.
Gaganapin ang Asian Games mula Setyembre 19 hanggang Oktubre 4. Hindi pa nakakakuha ng medalya ang Pilipinas sa gymnastics sa kasaysayan ng Asian Games.
