DOLE Region 2, magsasagawa ng job fair sa Araw ng Kalayaan sa June 12

Magsasagawa ng job fair ang Department of Labor and Employment o DOLE Region 2 sa Araw ng Kalayaan sa June 12, 2024.

Sinabi ni Elpidio Atal, director ng nasabing tanggapan na isasagawa ang job fair sa isang malaking mall dito sa lungsod ng Tuguegarao.

Ayon kay Atal, may job vacancies na 2, 197 mula sa 23 na local employers at dalawang oversreas.

Sinabi ni Atal na posibleng madagdagan pa ang nasabing bilang dahil sa ang datos ay nakuha noong May 28.

Idinagdag pa ni Atal na ang pinakamaraming job vacancies ay micro finance officer na may 1k, customer service representatives, service crew, cleaner, online card dealer at maraming iba pa.

Bukod sa job fair, magkakaroon din ng Kadiwa ng Pangulo.