TUGUEGARAO CITY – Kumpiansa kanu peba i Pangulong Rodrigo Duterte kanni Health secretary Francisco Duque maski anyan nga measles outbreak kanyo bansa.
Nekahi i PCOO secretary Martin Andanar nga manguffuna kan peba ya Presidente kan DOH kanyo kampanya kan immunization program ya gubyernu nga naapektuhan kan dengvaccia controversy.
Lige na yaw e nakikergo i Duque kan PCOO tapenu makkiddaw kan uffun tya communications program tapenu metoli ya kumpiyansa ya totolay kan immunization program ya gubyerno.
Nekahai peba i Andanar nga mari da kan pakealaman ya gungut i Duque entre i Public Attorney’s Office Chief Percida Acosta nu sinni ya dapat nga masisi kanyo pattalaw ya totolay ira kan dengvaccia yan ta aru ya mari nga nappabakuna.
