Nagkaroon ng palitan ng argumento sa impeachment trial ni Vice President Sara Duterte matapos punahin ni prosecution lawyer Atty. Lorna Kapunan ang ilang pangalan na nakalista sa acknowledgment receipts kaugnay ng confidential funds ng Office of the Vice President.
Habang ipinapakita ang mga resibo, binigyang-diin ni Kapunan ang mga pangalang tulad ng Andy Lim at Alejandro Pikit, na sinabayan niya ng wordplay kaugnay ng kahulugan ng mga ito.
Aniya, binabasa lamang niya ang mga pangalang nakasulat sa dokumento.
Tumugon naman ang defense lawyer na si Atty. Michael Poa at umalma sa sinabi ni Kapunan, dahil aniya ay tila nabibigyan ng ibang interpretasyon ang nilalaman ng mga dokumento.
Ipinaliwanag ni Poa na wala siyang intensyong makasakit kay Kapunan, ngunit nais lamang niyang panatilihin ang pagbasa sa mga dokumento batay sa kung ano ang nakasaad dito.
Nagpatuloy naman ang paglilitis matapos payuhan ni presiding judge Francis “Chiz” Escudero si Kapunan na ipagpatuloy ang kanyang presentasyon.
