Naging mainit ang ika-21 araw ng impeachment trial ni Vice President Sara Duterte matapos ideklara ng Senate impeachment court na hostile witness si dating DepEd Undersecretary Michael Poa.
Kasunod ito ng pagtatalo ng prosecution at defense lawyers sa pagtatanong kay Poa tungkol sa paggamit ng ₱15 milyong confidential funds ng DepEd para sa pagbabayad sa informants.
Dahil sa ruling, pinayagan ang prosecution na gumamit ng leading questions.
Sa kaniyang testimonya, sinabi ni Poa na walang garantiya na magreresulta sa tagumpay ang impormasyong binili gamit ang confidential funds.
Gayunman, iginiit niyang wala siyang personal na kaalaman kung paano aktuwal na ginastos ang naturang pondo.
Samantala, naglabas ang impeachment court ng subpoena para sa tatlo pang testigo, kabilang ang isang Commission on Audit official at dalawang dating opisyal ng DepEd at PNP.
Posible ring gawing full-day ang ilang pagdinig sa Oktubre upang mapabilis ang paglilitis.
Samantala, pinag-aaralan din ng House prosecution panel ang posibleng pag-drop sa bribery charge laban kay Duterte upang maiwasan ang mas matagal na pagdinig.
