Nagbabala si Senator Panfilo Lacson sa ilang lump-sum appropriations para sa mga infrastructure project sa panukalang ₱7.2-trilyong national budget para sa 2027.
Ayon kay Lacson, may mga nakitang pondong pinagsama-sama sa isang halaga kahit dapat ay nakadetalye ang gastos para sa bawat proyekto, aktibidad o programa.
Aniya, hihingi sila ng paglilinaw sa mga kinauukulang opisyal.
Posible rin aniyang pormal na ihain ni Lacson ang usapin sa briefing ng Development Budget Coordination Committee o DBCC na nakatakda sa Agosto 27.
Iginiit ng senador na karaniwang pinapayagan ang lump-sum appropriations para sa calamity funds dahil hindi matukoy kung kailan mangyayari ang mga sakuna, ngunit kuwestiyonable umano kung gagamitin ito para sa infrastructure projects.
Samantala, susuriin din ng kanyang staff ang National Expenditure Program o NEP para sa posibleng special provisions na maaaring magamit sa pag-abuso sa unprogrammed appropriations.
