TUGUEGARAO CITY-Kulong ang isang lalaki matapos makuhanan ng illegal ng droga at mga bala sa loob ng kanyang tahanan sa bayan ng Buguey.
Ayon kay Police Capt Joel Labasan, hepe ng PNP-buguey, hinalughog ng kanilang hanay ang bahay ng suspek na si Manny Uryas, 24-anyos ng Brgy . Centro west sa bisa ng search warrant na inilabas ng korte.
Aniya,minanmanan ng kanilang hanay ang suspek dahil nababanggit umano ang pangalan ni Uryas ng mga nahuhuling suspek na sangkot sa illegal na droga.
Nakuha sa tahanan ng biktima ang dalawang sachet na hinihinalang shabu, pinatuyong dahon ng marijuana na na kabalot sa papel, isang bala ng calibre 45, 9mm at limang bala ng calibre ng 22.
Hindi naman narekober ang baril na calibre 45 na isa sa mga nalakagay sa search warrant.
