TUGUEGARAO CITY – Patay ang isang magsasaka matapos pagtatagain ng nakainuman sa bayan ng Gonzaga, Cagayan.
Kinilala ang biktima na si Marlon Japson, 33 anyos na residente sa Brgy Baua habang ang suspek ay si Eddito Eugenio, 51 anyos, magsasaka at residente naman sa Brgy. Ipil sa nasabing bayan.
Ayon kay PMaj. Elpidio Zinggapan, hepe ng PNP Gonzaga, kasalukuyan umanong nakikipag inuman ang biktima sa kanyang mga kamag anak at kaibigan sa Brgy Ammunitan nang mapadaan ang suspek at niyaya nila ito.
Nang kalagitnaan na ng inuman ay bigla umanong binunot ng suspek ang kanyang itak at pinagtataga ang biktima.
Dead on the spot si Japson dahil sa tinamong sugat sa leeg at katawan.
Maaring dala ng kalasingan ang dahilan ng insidente at wala naman umanong dating alitan ang mga ito.
Sa ngayon ay hawak na ng PNP ang suspek na nahaharap sa kasong pagpatay.
