TUGUEGARAO CITY-Patuloy ang paghahanap ng mga rescue team sa isang lalaki na hinihinalang nahulog sa capatan overflow bridge matapos makabangga ang kasalubong na motorsiklo.
Kinilala ang hinahanap na biktima na si Marlo Lacambra,46-anyos ng Libag Sur habang ang sakay ng isang motorsiklo ay sina Carlo Sabino at si Ariel Bautista.
Batay sa salaysay ni Sabino sa pulisya,umagaw umano ng linya si Lacambra habang binabaybay ang Brgy Capatan na dahilan ng banggaan.
Sa lakas ng impak, tumilapon ang sakay ng dalawang motorsiklo.
Hinihinala namang nahulog sa ilog si Lacambra habang nagpapagaling na sa pagamutan ang dalawa matapos magtamo ng sugat sa katawan.
-- ADVERTISEMENT --
Nabatid na walang ilaw ang motorsiklo ni Lacambra nang mangyari ang nasabing insidente.
