TUGUEGARAO CITY-Nawalan sa katinuan dahil sa kalasingan ang isang magsasaka nang barilin nito ang kanyang pinsan sa bayan ng Lal-lo.
Kinilala ang biktima na nagpapagaling na sa pagamutan na si Reynaldo Abiog Jr habang ang suspek ay si Leon Abiog.
Ayon kay PMAJ Ramon Macarubbo Jr, hepe ng PNP-Lal-lo na nagkaroon ng sagutan ang dalawa nang pinuntahan ng suspek ang noon ay lasing din na biktima sa kanyang bahay.
Kaugnay nito ay binaril ng suspek ang biktima na nagtamo ng tama ng bala sa kanyang balikat habang.
Nahuli sa follow-up operation ng pulisya ang suspek na nahaharap sa kasong frustrated murder habang hindi na narekober pa ang cal. 22 na baril na ginamit sa pamamaril.
Sinabi ni Macarubbo na marami nang record sa barangay ang suspek kaugnay sa panghahamon at pananakit nito ng tao tuwing nalalasing.
