Nagpaalala ang National Capital Region Police Office sa publiko kaugnay ng mga ipinagbabawal na dalhin sa gaganaping Trillion Peso March upang matiyak ang kaligtasan at kaayusan sa pagtitipon.
Ayon sa NCRPO, kailangang sumunod ang mga dadalo sa mga itinakdang regulasyon upang mapanatili ang mapayapang pagtitipon at maiwasan ang anumang banta sa seguridad.
Kabilang sa mga ipinagbabawakl dalhin sa rally ang mga sumusunod:
– Baril at anumang uri ng firearms, kahit pa may lisensya
– Slingshot o tirador, at anumang gamit na panghagis
– Mga patalim gaya ng kutsilyo, balisong, ice pick at iba pang deadly weapons
– Improvised explosives tulad ng molotov, dart bomb, firecrackers at iba pang self‑made explosives
– Matitigas na bagay gaya ng yantok, metal pipe at kahoy na may pako
– Matitigas na placard handles, wood o metal rods at improvised shields
– Full‑face helmets, ski masks at anumang pantakip ng mukha at
– Alcoholic drinks at illegal na droga.
Hinimok ng NCRPO ang publiko na isaisip ang kaligtasan, irespeto ang batas, at makiisa sa layuning mapanatiling mapayapa ang malakihang pagtitipon.
