Unang ihaharap ng House Prosecution panel ang mga opisyal ng National Bureau of Investigation (NBI) at House of Representatives bilang mga testigo sa impeachment trial ni Vice President Sara Duterte na magsisimula sa Hulyo 6.
Kabilang sa mga unang testigong isasalang sina NBI Regional Director Atty. Jeremy Lotoc, NBI Senior Agent John Mark Calilung, at Legislative Security Bureau Executive Director Capt. Belinda Bello ng Office of the Sergeant-at-Arms.
Magpapatotoo ang mga ito kaugnay ng ikaapat na article of impeachment na may kaugnayan sa umano’y pagbabanta ni Vice President Duterte laban kina Pangulong Ferdinand Marcos Jr., First Lady Liza Araneta-Marcos, at dating House Speaker Martin Romualdez.
Isasagawa ang presentasyon ng mga testigo ng prosekusyon mula Hulyo 6 hanggang Hulyo 8.
