Kinumpirma ng Bureau of Jail Management and Penology na isinugod sa pagamutan si Kingdom of Jesus Christ (KOJC) founder Apollo Quiboloy matapos na mahirapang huminga noong September 11.
Sinabi ni BJMP spokesperson Jail Superintendent Jayrex Bustinera, nakitaan ng pnuemonia si Quiboloy.
Ayon kay Bustinera, agad nilang ipinaalam sa Regional Trial Court 159 sa Pasig City, ang may hawak sa kaso ni Quiboloy ang kundisyon ng pastor.
Naglabas naman ang korte noong September 15 ng otorisasyon sa pagkaka-ospital ni Quiboloy.
Sinabi ni Bustinera, sa ngayon ay nagpapagaling si Quiboloy sa isang pampublikong ospital, bilang tugon sa patakaran sa medical care para sa persons deprived of liberty.
Nahaharap si Quiboloy ng non-bailable na qualified human trafficking case sa korte sa Pasig.
May kaso din siya may kaugnayan sa paglabag sa Special Protection of Children Against Abuse, Exploitation, and Discrimination Act.
