Ipapatawag ng House prosecution panel bilang testigo sa impeachment trial ni Vice President Sara Duterte si defense lawyer Michael Poa, na dating DepEd undersecretary at tagapagsalita noong kalihiman ni Duterte.
Ayon kay lead prosecutor Gerville Luistro, tatanungin si Poa tungkol sa paglalabas ng P112.5 milyong confidential funds ng Department of Education noong panahon ni Duterte bilang Education secretary.
Nakatakda ring tumestigo si PSA official Marizza Grande para beripikahin kung makikita sa government records ang mga pangalan ng mga tatanggap ng confidential funds na nakasaad sa liquidation documents ng OVP.
Pabor naman si Senate impeachment court presiding officer Francis “Chiz” Escudero sa mosyon ng prosekusyon, ngunit sinabi niyang hindi na kailangan ng subpoena kay Poa dahil naroon na ito sa korte at handang tumestigo.
