TUGUEGARAO CITY- Patay ang isang pulis matapos na bumangga sa puno ng mangga ang kanyang sasakyan sa Barangay San Lorenzo, Lallo, Cagayan.
Sinabi ni PSSG Vemar Paliwanan ng PNP Lallo, sa kanilang imbestigasyon, nawalan ng kontrol sa manebela si PSMsgt. Icasiano Bosi, nakatalaga sa Provincial Mobile Force Company sa Curva, Pamplona matapos na pumutok ang isang gulong ng kanyang sasakyan.
Ayon kay Paliwanan, dumiretso ang sasakyan ni Bosi sa kabilang linya hanggang sa bumangga sa puno ng mangga at bumalik sa kanyang orihinal na bahagi ng kalsada.
