Umatras ang mga puwersang suportado ng Saudi Arabia sa kanilang opensiba laban sa mga rebeldeng Houthi sa Yemen upang ipagtanggol ang pansamantalang kabisera nitong Aden, habang naglunsad naman ang Iran ng drone attacks laban sa mga base militar ng United States sa Bahrain.
Ayon sa ulat, umatras ang mga puwersa mula sa Bab el-Mandeb Strait matapos ang anim na linggong opensiba na layong mapaalis ang mga Houthi sa mahalagang daluyan ng langis sa bunganga ng Red Sea.
Samantala, sinabi ng Bahrain na naharang at nawasak ng kanilang air defense system ang ilang Iranian aerial attacks. Inako naman ng Islamic Revolutionary Guard Corps ng Iran ang pag-atake gamit ang anim na drone sa isang base militar ng US bilang pagganti umano sa mga aksiyon ng Amerika.
Nagbabala ang mga pangyayari na maaari pang lumawak ang tensiyon sa rehiyon, habang nananatiling walang malinaw na kasunduan upang tuldukan ang digmaan.
