TUGUEGARAO CITY-Nagafu y walu nga tolay ta drug buy bust operation na PNP Cagayan .
Mismu nga ninay ta Bombo Radyo si Police Senior Supt. Warren Tolito,director na Cagayan PNP tapenu ikagi y accomplishment da ya kampanya da kontra iligal nga droga.
Ta nakagi nga bilang na nagafu annam taw ay parehu nga barangay kagawad, tadday y traffic enforcer anna tadday nga sibilyan.
Kinagi ni Tolito nga makagi nga high value target y kagawad anna traffic enforcer megafu ta kampanya kontra iligal nga droga.
Kinagi ni Tolito nga nallawan ta imbestigasyon asunto ta iligal nga droga y matturunuk y ammalattuk natay turi vulan na Mayo anna sangaw nga Hunyo nga iningwa na riding-in tandem suspects.
Kunnatunman kinagi ni tolito nga patuloy gapa y pagimbestiga nu anni y fermi nga motibo ta nakagi nga krimen.
