TUGUEGARAO CITY-Dismayado y anti-mining advocates ira ta sa angipuwesto ni Presidente Rodrigo Duterte kanni Ambassador Roy Cimatu ta Department of Environment and Natural Resources o DENR nga secretary.
Kinagi ni Jaybee Abrogena, national coordinator na Alyansa Tigil Mina nga duda da kanni Cimatu ta annammi na ta DENR megafu ta awan tu background na asunto ta environment.
Kinagi paga ni Abrogena nga baka megitta ta dati nga Environment Sec. Angelo Reyes nga ari nakasta y annammi na ta ahensiya megafu ta kawan na background na ta asunto ta pallevu.
Megafu taw ay mahurung y grupo nga baka mabalewala y programa asunto ta pallevu nemanno ta appemmang ta operasyon na mining companies nga napegafanan na dati nga Sec. Gina Lopez.
Kunnatunman ay nakaprepara y da yaw nga mangoffun ta opisyal depende ta programa ira nga kaya na nga ipay anna nu ikaya na nga manguffun ira nissa .
