Bangkay ng lalaki, itinapon sa sementeryo sa Gonzaga, Cagayan

TUGUEGARAO CITY- Hanggng ngayon ay wala pang kumukuha sa bangkay ng isang lalaki na nakita sa sementeryo sa Brgy. Pateng, Gonzaga, Cagayan.

Sinabi ni PMAJ.Joefferson Gannaban, hepe ng PNP Gonzaga na hindi pa kasi nakilala ang nasabing bangkay.

Ayon kay Gannaban, may tama ng bala ng baril sa ulo ang biktima.

Sinabi pa niya na posibleng hindi sa lugar pinatay ang lalaki at itinapon lang s dahil sa wala namang nakitang basyo ng bala doon.

Ang nasabing lalaki ay may taas na 5’6-5’8 at may kahabaan ang buhok, nakasuot ng brown sweatshirt at boxer shorts.