Nagpasya ang Kamara na huwag tanggapin ang ipinababalik ng Senate Impeachment Court na Articles of Impeachment laban kay Vice President Sara Duterte.
Ang hakbang ay isinulong ni House Deputy Majority Leader Faustino “Inno” Dy V sa huling plenary session ng Kamara sa ilalim ng 19th Congress na sinang-ayunan naman ng mga Kongresista.
Ayon kay Dy, hindi tatanggapin ng Kamara ang ibinabalik na Articles of Impeachment hangga’t hindi tumutugon ang impeachment court sa hinihinging klaripikasyon o paglilinaw ng house prosecution panel.
