TUGUEGARAO CITY- Iniimbestigahan na ng mga otoridad ang nangyaring robbery hold-up sa Enrile, Cagayan kagabi.
Sinabi ni PMSgt. Jeoffrey Gumangan ng PNP Enrile, sa kanilang imbestigasyon, pauwi na ang negosyante na si Juanito Mirasol, 47 at kanyang driver na si Gilber Eclar, 42, sa kanilang mga bahay sa Brngy. Roma Sur sakay ng motorsiklo nang tambangan sila ng tatlong kalalakihan sa madilim na bahagi ng palayan na malapit sa bahay ng negosyante.
Ayon kay Gumangan, pumalag umano si Eclar kaya pinagbabaril siya ng mga suspek kung tinamaan ang kanyang paa.
Nakatakbo naman umano si Mirasol at humingi ng tulong sa mga barangay officials subalit mabilis na nakaalis ang mga suspek.
Sinabi ni Gumangan na kinuha ng mga suspek ang sling bag ng negosyante na naglalaman umano ng mahigit P90,000 na napagbentahan sa kanilang negosyo na BBQ at iba pang pagkain.
